Жаңалық

ҚР СЖжРА Ұлттық статистика бюросының Бірыңғай байланыс орталығы ресми іске қосылғанына үш жыл толғанын атап өтті. «1446» нөмірі 2023 жылғы 31 наурыздан бастап бүкіл ел бойынша респонденттер мен деректерді пайдаланушыларға консультациялық және әдіснамалық қолдау көрсету үшін орталықтандырылған платформа ретінде жұмыс істейді

Үш жыл ішінде байланыс орталығының мамандары статистикалық есептілікті тапсыру процестерін жедел сүйемелдеуді қамтамасыз етеді. Орталықтың қызметі нысандарды толтыру әдіснамасын түсіндіруге, «Деректерді онлайн-режимде жинау» ақпараттық жүйесінде («ДОЖ» АЖ) техникалық қолдауға, сондай-ақ Респонденттің кабинетімен жұмыс істеуге көмектесуге бағытталған.

Осы кезеңде байланыс орталығы Бюроның кері байланыс жүйесінің негізгі буыны болды. Қоңырауларды өңдеудің құрылған алгоритмдерінің арқасында жауапты күту уақыты барынша азайтылды, бұл бизнес өкілдері мен мемлекеттік органдарға әкімшілік жүктемені айтарлықтай төмендетуге мүмкіндік берді.

Айта кетейік, «1446» сервисін дамыту ведомствоның цифрлық трансформация стратегиясының бір бөлігі болып табылады. Болашақта байланыс орталығының жұмысы үлгілік сұраныстарды автоматтандыруды және қызмет көрсету сапасы мен статистикалық процестердің ашықтығын одан әрі арттыру үшін ЖИ құралдарын пайдалануды қоса алғанда, жаңа цифрлық шешімдермен толықтырылатын болады.

«1446» бірыңғай байланыс орталығының командасын үш жылдық мерейтойымен құттықтаймыз және кәсіби қызмет пен коммуникацияларды дамытуда одан әрі табыс тілейміз.